Premye Minis Ayiti a, Garry Conille, te fè yon vizit sou kanal ki sou rivyè Masak la, nan Wanament, vandredi 23 dawout 2024. Nan okazyon sa a, PM Conille te deklare:
« Jodi a, mwen vin fè vizit sa pou m wè, pou m koute ak pou m konprann. »
Deklarasyon sa a montre angajman premye minis la pou l tande vwa sitwayen yo, pran an konsiderasyon enkyetid yo, ak fè yon evalyasyon dirèk sou kondisyon travay la sou kanal lan. Prezans li sou teren an soulve espwa nan mitan popilasyon lokal la, ki espere wè aksyon konkrè ki pral ede amelyore kondisyon lavi yo.
