Lide pou nou te \u00f2ganize dezy\u00e8m edisyon Salon du Livre et des Arts du Livre et des Arts du Grand Nord d\u2019Ha\u00efti te vini apre anpil refleksyon. L\u00e8 moman rive pou nou te pran desizyon reyalize nan komin P\u00f2mago, se te ak anpil chal\u00e8. Noub te prese. Nou te anvi sa. Nou t ap d\u00f2mi reve li. Nou t ap d\u00f2mi yon je louvri, yon je f\u00e8men. Men nou pa te janm konnen si li t ap pote tout emosyon sila.<\/p>\n\n\n\n
Imaj timoun sa ki p\u00e8di nan liv sa bay nou plis pr\u00e8v ak motivasyon pou nou kontinye angaje nou pi plis toujou nan demokratizasyon liv, konesans, koze lespri an Ayiti. Nou p ap f\u00e8 bak. Nou kw\u00e8 nan r\u00e8v sila. Imaj n ap gade la se te nan Oditory\u00f2m Saint Joseph nan kad dezy\u00e8m edisyon Salon an nan P\u00f2mago. Yon el\u00e8v Institution Chr\u00e9tienne Mixte Eur\u00eaka foure t\u00e8t li nan yon liv. Lekti a pote l ale. Kiryozite nou ka li soi vizaj montre s on timoun ki sanble vle tou fin li liv sa sou plas. Nou sonje anfans nou. E se tout rezon sa yo menm ak l\u00f2t ank\u00f2 ki lakoz n ap batay anpil pou nou rive inogire yon nouvo espas pou Biblioth\u00e8que Municipale de Port-Margot.<\/p>\n\n\n\n
Nou raple nou yon ot\u00e8 ki di, n ap parafraze pandan n ap site : \u00abYon timoun ki pran abitid li depi l tou piti, li ka vin yon kokennkechenn sitwayen nan lavi. \u00bb Se l\u00f2m-liv, Marc EXAVIER ki te f\u00e8 nou dekouvri panse sa.<\/p>\n\n\n\n
Nou te konprann vit nesesite pou nou ede timoun kote nou soti yo jwenn liv. Menm jan, sa pa gen lontan, n ap tande ekriven epi edit\u00e8 ayisyen Rodney SAINT-ELOI k ap viv Canada depi lontan. Li site Daniel SALNAVE ki ekri yon michan liv ki rele Le don des morts. Nan liv sa, Daniel SALNAVE di : \u00ab\u00a0Toute vie sans livre est une ordinaire.\u00a0\u00bb Kididonk, yon moun ki pa gen liv nan vi li se tankou yon vi konsa konsa, yon vi senp, yon vi \u00f2din\u00e8. Sou baz sa, Rodney SAINT-\u00c9LOI ale pi lwen pou li esplike, yon moun ka posede tout kalite byen tankou kay, pil machin, gwo magogo lajan, tout kalite mwayen pou li viv, li ka chaje biznis, menm si moun sa ta posede larivy\u00e8, sy\u00e8l\u2026 men si li pa zanmi liv, si li pa gen liv, li pa egziste. Se vre, nou dwe goumen pou nou ka manje, peye kay, gen kay, chaje byen, pran plezi, men nou dwe f\u00e8 sa nou konnen tou pou moun li, pou moun jwenn li yon fason pou yo rejwenn diyite yo\u2026<\/p>\n\n\n\n
\u00ab\u00a0Mete liv nan de men m\u00a0\u00bb se vwa yon jen\u00e8s k ap bouske konesans, yon p\u00e8p ki vle w\u00e8 demen li pi b\u00e8l. Nan Observatoire Patrimoine, Emisyon N AP LI ak Salon du Livre et des Arts du Grand Nord d’Ha\u00efti, nou envite tout sosyete a souke k\u00f2 li pou p\u00e8m\u00e8t timoun yo jwenn liv toupatou nan peyi z, sitou liv ayisyen ekri, nan lang timoun yo.<\/p>\n\n\n\n
Nou pwofite voye yon gwo kout chapo pou tout moun k ap ede Salon an ak Emisyon N AP LI. Moun yo anpil, gen enstitisyon tou: OGDNH, Alliance Fran\u00e7aise du Cap-Ha\u00eftien, Fondation Alfred B\u00e9liard, Direction Nationale du Livre, Biblioth\u00e8que Nationale d’Ha\u00efti, MCC, FNE, ACUNA, C3 \u00c9ditions, RAPLEH, OMDAC, Lion production, Radio Fantastic, Radio Patrimoine, Radio Tropicale, AC Radio, NJ Radio, Nabou, Nesmy MANIGAT, Jean Andy JEAN-BAPTISTE, Jean Rony J\u00c9R\u00d4ME, \u00c9lsie SUR\u00c9NA, Rose ARTISTE, DJ LJ, 10 K\u00f2mandman, F\u00e9nol JEAN, Claire MOREAU, Marc Maxi ALTI\u00c9RY, Jean Senel SAINT-JUSTE, Guychard SAINT-HILAIRE, Job JN-LOUIS, Roudy APPOLON, Farah CHARLESTIN, Dulain F. CHARLES, Miousemine C\u00c9LESTIN, Dulex CHARLES pou nou site sa yo s\u00e8lman\u2026<\/p>\n\n\n\n
\u00ab\u00a0Mete liv nan de men m\u00a0\u00bb se vwa yon jenerasyon ki vle viv nan limy\u00e8 pou bati yon peyi toun\u00e8f, yon peyi granmoun, yon Ayiti djanm nan dimansyon zans\u00e8t nou yo te vle li a.<\/p>\n\n\n\n
Randevou kase 23 janvye 2026 nan Foche, P\u00f2mago, N\u00f2 Ayiti pou twazy\u00e8m edisyon Salon du Livre et des Arts du Grand Nord d’Ha\u00efti anba t\u00e8m \u00ab\u00a0Mete liv nan de men m\u00a0\u00bb. Envite don\u00e8 edisyon sila se : ekriven Jean-Euph\u00e8le MILC\u00c9.<\/p>\n\n\n\n
Salon an louvri pou tout kalite bourad: salondugrandnord@gmail.com oubyen salondulivreetdesartshaiti@gmail.com<\/p>\n\n\n\n
+50933502834<\/p>\n\n\n\n
Il\u00e9us PAPILLON
Prezidan Salon du Livre et des Arts du Grand Nord d’Ha\u00efti<\/p>\n\n