Ak s\u00e8lman yon trailer ki dire 23 segonn, Bedjine, youn nan pi gwo zetwal mizik Ayiti a, frape f\u00f2 sou rezo sosyal yo. Yon videyo tou kout, men ak yon enpak ki f\u00e8 tout fanatik ap tann ak enpasyans nouvo pwoj\u00e8 li a.<\/p>\n\n\n\n
Nan \u00ab\u00a0trailer\u00a0\u00bb la, Bedjine chante ak emosyon \u00ab\u00a0Ou jwe w pa ganye, je w pa kale. Pou w w\u00e8 mod\u00e8l moun sa ou genyen w vle kite l ale\u2026 Ou jwe w pa ganye, monch\u00e8 w pa kare.\u00a0\u00bb<\/em> Paw\u00f2l sa yo kite fanatik yo nan yon eta kote yo anvi dekouvri videyo a konpl\u00e8tman epi w\u00e8 ki direksyon kary\u00e8 Bedjine ap pran nan pwoj\u00e8 sa a.<\/p>\n\n\n\n Fanatik yo pat pran tan pou yo te reyaji sou TikTok s\u00e8lman k\u00e8k minit apre Bedjine te lage ti bout videyo a. Sa montre kijan atis la reyalize yon gwo enpak sou rezo sosyal yo, kote fanatik yo angaje yo nan f\u00e8 div\u00e8s kreasyon ak mizik li. Challenge sa yo, ki souvan enplike dans ak mouvman ki asosye ak paw\u00f2l yo, se yon fason pou fanatik yo montre sip\u00f2 yo ak patisipe nan lansman nouvo travay Bedjine.<\/p>\n\n\n\n Dapre sous ki pw\u00f2ch ekip li a, pwochen videyo sa a te anrejistre kay vwazen an Repiblik Dominik\u00e8n, sa ki pwom\u00e8t yon eksperyans vizy\u00e8l ak kalite sipery\u00e8. Malgre dat lage videyo a toujou nan lonbray, fanatik yo deja ap konte jou pou lage pwochen alb\u00f2m li a ki fikse pou 11 okt\u00f2b.<\/p>\n\n\n\n Ak yon 23 segonn s\u00e8lman, Bedjine f\u00e8 tout moun ap tann. L\u00e8 ou panse sou sa, ou pa ka inyore enpak mizik li sou s\u00e8n ayisy\u00e8n nan. Mesaj li pote nan trailer la, anplis b\u00e8l vokal li yo, pwom\u00e8t yon travay ki pral make s\u00e8n mizik la nan sem\u00e8n kap vini yo.<\/p>\n\n